U-17 millimiz UEFA turnirinin final oyununda Pakistanı məğlub edib

Azərbaycan U-17 milli futbol komandası UEFA İnkişaf Turnirində final oyununu keçirib.

AFFA-nın mətbuat xidmətindən verilən məlumata görə, komanda üçüncü oyununda Pakistan U-17 komandası ilə qarşılaşıb.

Qazaxıstanın Şimkent şəhərindəki Namıs stadionunda keçirilən oyun Azərbaycanın 1:0 hesablı qələbəsi ilə başa çatıb.

Qeyd edək ki, yeganə qolu Nazim Əliyev 77-ci dəqiqədə vurub.

Baş məşqçi Aqil Nəbiyevin rəhbərlik etdiyi komanda dörd komandanın iştirak etdiyi turniri beş xalla başa vurub.