Ermənistan Hindistandan yeni silah təchizatını nəzərdən keçirir

Ermənistan Silahlı Qüvvələrinin Baş Qərargah rəisi Edvard Asryan Hindistanda Hərbi Hava Qüvvələrinin baş komandanı Amar Prit Sinqh ilə görüşdə Su-30SM qırıcı donanmasının modernləşdirilməsi məsələsini müzakirə edib.

Danışıqlar çoxqatlı hava hücumundan müdafiə arxitekturasının inkişafı, qırıcıların döyüş qabiliyyətinin artırılması və dron və raket təhdidlərindən qorunma məsələlərinə yönəlib.

Əldə olan məlumata görə, Ermənistan həmçinin Hindistanın "Astra Mk1" uzaqmənzilli hava-hava raketini almağı da nəzərdən keçirir. Tərəflər həmçinin Hindistanın "Pralay" taktiki raket sistemlərinin tədarükü və silahların birgə hazırlanması barədə danışıqlar aparırlar.