Avstriya casusluq şübhələri ilə bağlı rus diplomatlarını ölkədən çıxardı

Avstriya casusluqda şübhəli bilinən üç rus diplomatını ölkədən çıxardı.

Xarici işlər naziri Beate Meinl-Reisinger bildirib ki, qovulmanın səbəbi Vyananın kəşfiyyat fəaliyyəti üçün istifadə edilə biləcəyinə inandığı Rusiya diplomatik binalarına çoxlu sayda antenaların quraşdırılmasıdır.

O, "Casusluq üçün diplomatik toxunulmazlıqdan istifadə qəbuledilməzdir" deyə vurğulayıb.

Avstriya 2020-ci ildən bəri artıq 14 rus diplomatını ölkədən çıxarıb.

Vyanadakı Rusiya səfirliyi bu hərəkətlərə "sərt cavab" verəcəyinə söz verib.