100 yaşlı tanınmış bioloq
Britaniyalı təbiətşünas, bioloq və sənədli film rejissoru Devid Attenboro 80 ildir ki, saysız-hesabsız əhəmiyyətli televiziya proqramları ilə təbiət dünyasına olan baxışımızı dəyişdirir.
Onun həvəsi, mövzuları mükəmməl mənimsəməsi və təcrübəsi milyonlarla insanı valeh edir.
Onun televiziya karyerası ağ-qara sənədli filmlərdən tutmuş, "Blue Planet" (Mavi Planet) və "Planet Earth" (Yer kürəsi - Planet) kimi böyük və təsirli istehsallara qədər gedib çıxır.
O, həmçinin BBC-nin idarəetmə sahəsində çalışaraq, kanalın ən yaddaqalan proqramlarından bəzilərinin istehsalında əsas qərar qəbul edən şəxs kimi iştirak edir.
Bu gün isə bioloq D. Attenboro 100 yaşını qeyd edir.
O, 99 yaşını qeyd edərkən verdiyi açıqlamada demişdir: "Yer üzündə təxminən 100 il keçirdikdən sonra başa düşdüm ki, Yer üzündə ən vacib yer quru deyil, dənizdir."
Qeyd edək ki, Devid Frederik Attenboro 8 may 1926-cı ildə Qərbi Londonun Ayslevort şəhərində anadan olub.
