Uşanqi Kokuari Astana "Böyük Dəbilqə"sində gümüş medal qazanıb 

Qazaxıstanın paytaxtı Astanada kişi və qadınlar arasında cüdo üzrə keçirilən və Azərbaycan təmsilçilərinin də (6 kişi, 5 qadin) iştirak etdiyi reytinq xarakterli "Böyük Dəbilqə" turnirinə yekun vurulub. 8-10 may günlərinə təsadüf edən bu turnirdə tatamiyə çıxan təmsilçilərimizdən yalnız Uşanqi Kokuari (+100 kq) mükafatçılar sırasında yer alıb. Qeyd edək ki, bir həftə öncə Tacikistanın paytaxtı Düşənbədə təşkil edilən analoji yarışda üçüncü yeri tutmaqla bürünc medal qazanan Uşanqi Astanada isə gümüş medal əldə edib. Bununla da, o, bir həftə ərzində eyni səviyyəli turnirdə üst-üstə 2 medal qazanıb.

İNTİQAM Məmmədov