"Barselona" 29-cu dəfə İspaniya çempionu oldu

"Barselona" 29-cu dəfə İspaniya çempionu oldu. Bu, "Blaugrana"nın La Liqanın 35-ci turunda "Real Madrid" üzərində 2-0 hesablı qələbəsindən sonra baş verdi. Oyun "Spotify Camp Nou" stadionunda baş tutdu. Hakim vəzifəsini Alejandro Hernandes yerinə yetirdi.

Bu oyundan sonra "Barselona" 91 xalla La Liqa turnir cədvəlinə başçılıq edərək vaxtından əvvəl İspaniya çempionu oldu. "Real Madrid" 77 xalla ikinci yerdədir. Çempionatın bitməsinə üç tur qalıb.

Çempionatın növbəti turunda Hans-Dieter Flikin komandası 13 mayda səfərdə "Alaves"lə, Alvaro Arbeloanın komandası isə bir gün sonra evdə "Oviedo" ilə qarşılaşacaq.