Kiyev Rusiya Silahlı Qüvvələrinin kütləvi hücumu qurbanlarının xatirəsinə matəm günü elan edib

Rusiyanın Kiyevə ən böyük raket hücumu nəticəsində insan itkisi ilə əlaqədar Ukrayna paytaxtında 15 may matəm günü elan edilib.

Mer Vitali Kliçko Telegram kanalında müvafiq bəyanat yayımlayıb.

Bəyanatda deyilir: "Bu gün ərzində şəhərdəki bütün bələdiyyə müəssisələrində dövlət bayraqları yarıya endiriləcək. Bundan əlavə, dövlət və özəl qurumlara məxsus binalarda bayraqların endirilməsi tövsiyə olunur. 15 mayda Kiyevdə bütün əyləncə tədbirlərinə qadağa qoyulub".

Kiyevin Darnitski rayonunda zədələnmiş mənzil binasının dağıntılarını təmizləmək üçün səylər davam edir. İndiyə qədər yeddi ölüm hadisəsi təsdiqlənib. Xilasetmə xidmətləri axtarış-xilasetmə əməliyyatlarını davam etdirir.