Birinci Qarabağ müharibəsinin şəhidi Füzuli rayonunda dəfn edilib

Birinci Qarabağ müharibəsi zamanı itkin düşmüş şəhid Rafiq Şirvan oğlu Cəfərovun cənazəsi Füzuli rayonunun Əbdülrəhmanlı kənd qəbiristanlığında dəfn edilib.

AZpress.AZ APA-ya istinadən xəbər verir ki, dəfn mərasimində rayon rəhbərliyi, hüquq-mühafizə orqanlarının əməkdaşları, şəhidin ailə üzvləri, yaxın dostları və ictimaiyyət nümayəndələri iştirak ediblər.

Dəfn mərasimi zamanı raket atəşi açılıb.

R. Cəfərov 1993-cü ilin iyul ayında Birinci Qarabağ müharibəsi zamanı itkin düşüb. Onun şəxsiyyəti müayinədən sonra müəyyən edilib.