EuroVolley-2026-nın rəsmi topları təqdim edilib 

2026-cı ilin avqust-sentyabr aylarında qadın voleybolçular arasında keçiriləcək Avropa çempionatının (EuroVolley-2026) rəsmi topları təqdim edilib. Toplar CEV və Mikasa tərəfindən hazırlanıb və müasir dizaynla klassik üslubun qarışıqi şəklindədir.Toplar çempionatın oyunlarına ev sahibliyi edəcək ölkələrin rənglərini əks etdirir. 

Yeri gəlmişkən, qrup oyunları 4 müxtəlif qruplarda və ölkələrdə keçiriləcək - Türkiyə (A qrupu), Çexiya (B qrupu), İsveç (D qrupu), Azərbaycan (C qrupu).

Azərbaycanın ev sahibliyi edəcəyi C qrupunda millimizlə yanaşı, Portuqaliya, Hollandiya, Belçika, Rumıniya və İspaniya komandası mübarizə aparacaq. Oyunlar 21-28 avqust günlərində Milli Gimnastika Arenasında keçiriləcək.

İNTİQAM Məmmədov