Sumqayıtda cüdo üzrə regional çempionat keçiriləcək

13-14 iyun tarixlərində Sumqayıtda 14 və 17 yaşa qədər idmançılar arasında Abşeron-Xızı Regional Cüdo Çempionatı keçiriləcək.

Yarış Sumqayıt Olimpiya İdman Kompleksində keçiriləcək.

Turnirdə 406 cüdoçu iştirak edəcək.

Yarışın əsas məqsədi gənc idmançılardan ibarət heyət yaratmaq və Azərbaycan Çempionatında iştirak etmək üçün kvota sahiblərini müəyyən etməkdir.

Bundan əlavə, 17 yaşa qədər idmançılar arasında nəticələr milli komandaya seçim üçün vacib olacaq, çünki iştirakçılar reytinq xalları qazana biləcəklər.