Özbəkistan 2026-cı il DÇ üçün xatirə sikkələri buraxacaq

Özbəkistan milli komandanın 2026-cı il Dünya Kubokunda iştirakına həsr olunmuş xatirə sikkələri buraxacaq.

Məhdud sayda olan sikkələr 18 iyunda, Kolumbiya ilə ilk qrup mərhələsi matçının keçiriləcəyi gün dövriyyəyə buraxılacaq.

Sikkənin üz tərəfində "Tarixi qələbə. Özbəkistan futbolu 2026-cı il Dünya Kubokunda" yazısı var. Arxa tərəfində komandanın maskotu olan "Ağ Qurd" təsvir olunub. Maskotun siluetində milli komandanın 26 oyunçusu da yer alır.

2026-cı il Dünya Kuboku ABŞ, Meksika və Kanadada keçirilir. Turnir 11 iyunda başlayıb və 19 iyulda başa çatacaq. Argentina hazırkı dünya çempionudur.