Greenpeace təşkilatının sifarişi ilə Hamburq Universiteti tərəfindən aparılan bir araşdırmaya görə, təbii fəlakətlər və ekstremal hava hadisələri səbəbindən öz ölkələrində didərgin düşən insanların sayı ötən il kəskin şəkildə artıb.

Araşdırmalar nəticəsində məlum olub ki, 2025-ci ildə təbii fəlakətlər və ekstremal hava şəraiti səbəbindən 13,6 milyon insan məcburi köçkün  yaşadığı yeri tərk edib. Bu da əvvəlki illə müqayisədə 9,9 milyondan çoxdur.

Açıqlamalarda bildirilir ki, iqlim dəyişikliyi hava ilə əlaqəli ekstremal hadisələrin həm tezliyini, həm də intensivliyini artırır və xüsusilə Cənubda yerləşən qlobal isti ərazilərdə  insanlar bundan təsirlənir.

Bu müzakirələrə digər səbəb kimi, müxtəlif yerlərdə hökm sürən müharibə və zorakılığın yüksək həddə çatdığı göstərilir.

Həmçinin, 2025-ci ildə inkişaf əməkdaşlığı və humanitar yardım üçün qlobal büdcə əvvəlki illə müqayisədə təxminən dörddə bir və ya 175 milyard dollara qədər azaldılıb.

Nəticədə, ötən il dünyada təxminən 82,2 milyon insan öz doğma icmalarından uzaqlaşıb, halbuki bu rəqəm 2024-cü ildə 83,5 milyon idi.

Araşdırmada qeyd olunur ki, iqlim dəyişikliyinin nəticələrindən ən çox təsirlənən ölkələrdən biri də Əfqanıstandır. Ölkədə həmçinin tez-tez zəlzələlər baş verir.

Əhali onilliklər davam edən müharibənin, siyasi qeyri-sabitliyin və kövrək iqtisadi şəraitin yaratdığı çətinliklərlə mübarizə aparır.

Greenpeace təşkilatının Almaniya miqrasiyası  üzrə eksperti Fawad Durrani bildirib ki, sənayeləşmiş ölkələr tullantılarını daha tez azaltmalı və həssas ölkələrin iqlim dəyişikliyinin təsirlərinə uyğunlaşmasına kömək etmək üçün daha çox sərmayə qoymalıdır.

Mənbə: Dailysabah.com

Mətni hazırladı: Fidan

Azpress.a