Hikmət Hacıyev: D-8 təşəbbüsünün ilk nəticələrini artıq görürük

Azərbaycan hökuməti D-8 Mükəmməllik Media Mərkəzinin yaradılmasını tam dəstəkləyir.

Bunu 4-cü Şuşa Qlobal Media Forumunda Azərbaycan Prezidentinin köməkçisi Hikmət Hacıyev bildirib.

Onun sözlərinə görə, Azərbaycan D-8-in tamhüquqlu üzvü olaraq təşkilatın fəaliyyətinə və proqramına xüsusi əhəmiyyət verir.

"Prezident İlham Əliyev Azərbaycanda Mükəmməllik Media Mərkəzinin, eləcə də D-8 daxilində Analitik Mərkəzin yaradılması təşəbbüsünü alqışlayıb. Bu gün biz artıq bu təşəbbüsün ilk nəticələrini görürük", - Hacıyev qeyd edib.

O, D-8 Media Mərkəzinin təşkilatın üzv ölkələri arasında media sektorunda əməkdaşlığın genişləndirilməsi üçün mühüm platformaya çevriləcəyini vurğuladı.