Hikmət Hacıyev: Azərbaycan İsraili "qırmızı xətt" barədə xəbərdar etdi

Azərbaycan İsrailin qondarma "erməni soyqırımı"nı tanımaq niyyəti ilə bağlı ciddi narahatlığını ifadə edərək, qardaş Türkiyənin maraqlarının Bakı üçün "qırmızı xətt" olduğunu vurğulayıb.

Bu barədə Azərbaycan Prezidentinin köməkçisi Hikmət Hacıyev Türkiyənin "Haber Global" televiziya kanalına verdiyi müsahibədə bildirib.

Onun sözlərinə görə, Azərbaycan Prezidenti İlham Əliyevin tapşırığı ilə Azərbaycan tərəfi öz mövqeyini İsrailə çatdırıb və qeyd edib ki, belə bir qərar tarixi reallığı əks etdirmir və ədalətsizdir.

"Bu qərar Azərbaycanı ciddi şəkildə narahat edib. Qardaş Türkiyənin maraqları həmişə bizim prioritetimiz və "qırmızı xətt"imiz olub. Prezidentin tapşırığı ilə İsrailə belə bir qərarın tarixi reallığı əks etdirmədiyini və ədalətsiz olduğunu çatdırdıq", - deyə Hacıyev bildirib.

O, həmçinin qeyd edib ki, İsrail tərəfi Azərbaycanın mövqeyini ciddi qəbul edib.