Azərbaycanda istilik sistemlərinin yoxlanılmasına başlanılıb

Qarşıdan gələn 2026-2027-ci il istilik mövsümünə hazırlıq məqsədilə hidravlik sınaqların aparılması və sistemin texniki vəziyyətini yoxlamaq üçün istilik şəbəkəsinə planlı su təchizatı həyata keçirilir.

Bu barədə "Azəristiliktəchizat" ASC məlumat verib.

Bu münasibətlə şirkət müştərilərdən bütün təmir işlərini, quraşdırma işlərini və daxili istilik sistemləri ilə bağlı digər işləri tez bir zamanda başa çatdırmağı, radiatorların, boru kəmərlərinin və avadanlıqların tam işlək vəziyyətdə olmasını təmin etməyi xahiş edir.

Qeyd olunur ki, bu hazırlıq tədbirlərinin vaxtında yerinə yetirilməsi istilik sisteminin istilik mövsümü ərzində təhlükəsiz, etibarlı və fasiləsiz işləməsini təmin edəcək və fövqəladə hallar riskini minimuma endirəcək.