Misir Mədəniyyət Mərkəzində Misirdəki Azərbaycan diasporasının sədri ilə görüş keçirilib

Misir Ərəb Respublikasının Azərbaycandakı səfiri cənab Houssam Eldine Reda Misirdə təhsil alan xarici tələbələrin təhsil müddəti ərzində xüsusi diqqətdə saxlanılmasına və onlara zəruri döstək və yardımın göstərilməsinə xüsusi diqqət göstərir.

AZpress.AZ xəbər verir ki, bu çərçivədə Misir Mədəniyyət və Təhsil Əlaqələri Mərkəzində mərkəzin müdiri Prof. Dr. Tarek Aboul Fotouh və Misirdəki Azərbaycan diasporasının sədri, Misir-Azərbaycan Dostluq cəmiyyətinin rəhbəri və Qahirə universitetinin Azərbaycan dili müəllimi Dr. Seymur Nəsirov arasında görüş keçirilib.

Bu görüş iki xalq arasında mövcud olan dərin mədəni əlaqələri, eləcə də müxtəlif icmaların nümayəndələri ilə Misir cəmiyyəti arasında əlaqələrin qurulmasında mədəniyyət müəssisələrinin mühüm rolunun olduğunu bir daha nümayiş etdirib.  

Azərbaycan icmasının üzvlərinə və Misirə təhsil almaq üçün gələn tələbələrə yüksək səviyyədə xidmət göstərən Dr. Seymur Nəsirov onların vəziyyətini daim izləyir, akademik və sosial ehtiyaclarına diqqət yetirir, təhsil və yaşayış müddətində qarşılaşdıqları müxtəlif məsələlərin həllini və prosedurların asanlaşdırılmasını təmin etməyə çalışır.

Həmçinin tələbələrlə davamlı ünsiyyət saxlamağa xüsusi önəm verir ki, bu da onların təhsil prosesinə diqqətlərini yönəltmələrinə və qarşılarına qoyduqları akademik məqsədlərə nail olmalarına kömək edir. Öz növbəsində Misir Mədəniyyət Mərkəzinin müdiri Prof. Dr. Tarek Aboul Fotouh diaspora sədrini səmimi salamlayaraq onun səfərindən məmnunluğunu ifadə edib.

O, Mədəniyyət Mərkəzinin müxtəlif icmalarla əlaqələrini möhkəmləndirməyə, əcnəbi tələbələrə mümkün olan hər cür dəstəyi göstərməyə, onların Misir cəmiyyətinə müsbət şəkildə inteqrasiya olunmalarına və təhsil məqsədlərinə nail olmalarına yardım göstərməyə xüsusi önəm verdiyini vurğulayıb.

Bu ziyarət iki ölkə arasında mədəni və ictimai əlaqələrin möhkəmləndirilməsi, eləcə də xalqlar arasında qarşılıqlı anlaşma və yaxınlaşma körpülərinin qurulmasında icmaların mühüm rolunun olduğunun bariz nümunəsidir.

 

++++++++++++++++++++   D İ Q Q Ə T :    ++++++++++++++++++++++

Tədbirlərinizin  ViDEO+FOTO ÇƏKİLİŞLƏRİNƏ  sifarişlər qəbul olunur:

əlaqə: WhatsApp- 010 528 3406, 050 331 1111