Cüdoçularımız İstanbulda təlim-məşq toplanışında Avropa Kubokuna hazırlaşırlar

Azərbaycanın gənclərdən ibarət cüdo yığması İstanbulda (Türkiyə) beynəlxalq təlim-məşq toplanışında iştirak edir.

Təlim-məşq toplanışı Avropa Cüdo İttifaqının himayəsi altında keçirilir.

Təlim-məşq toplanışında cüdoçuları gənclərdən ibarət yığmanın baş məşqçisi Rüstəm Alimli və məşqçi Elxan Rəcəbli müşayiət edir.

Təlim-məşq toplanışları gənclər arasında Avropa kuboku turnirlərində iştiraka hazırlıq məqsədi ilə keçirilir. Müsabiqə mayın 31-dən iyunun 1-dək Qratsda (Avstriya) və iyunun 21-dən 22-dək Berlində (Almaniya) keçiriləcək.