16 yaşlı Nuranəni öldürüb Kürə atan əri həbs edildi

Sabirabadda 16 yaşlı arvadını amansızlıqla qətlə yetirməkdə təqsirləndirilən 21 yaşlı Seyidrəsul Talıbzadənin barəsində həbs qətimkan tədbiri seçilib.

Mayın 22-də Sabirabad Rayon Məhkəməsi istintaq orqanlarının şübhəlinin 4 ay müddətinə həbs edilməsi barədə vəsatətini təmin edib.

Xatırladaq ki, mayın 20-də Sabirabad rayonu ərazisində Kür çayında 2009-cu il təvəllüdlü azyaşlı Nuranə Ələkbərovanın meyiti tapılıb.

İlkin araşdırmalara görə, mayın 18-də rayonun Qudacuxur kəndində ər-arvad arasında münaqişə yaranıb, nəticədə 2004-cü il təvəllüdlü Seyidrasul Talıbzadə arvadını qəsdən öldürərək onun meyitini çaya atıb.

Faktla bağlı Sabirabad Rayon Prokurorluğunda Azərbaycan Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Şübhəli şəxs saxlanılıb.

İstintaq davam edir.