Gənclərdən ibarət futbol komandamız yeni çağırışlara hazırlaşır

Futbol üzrə Azərbaycan milli komandası (U-21) növbəti oyununu keçirəcək.

Komandamız yoldaşlıq görüşündə Belarus millisi ilə qarşılaşacaq.

Martın 14-də millimizə baş məşqçi təyin olunan Ayxan Abbasov üçün qarşıdakı oyun üçüncü sınaq olacaq.

Onun rəhbərliyi altında U-21 komandası martın 22-də Moldova yığmasını 2:0 hesabı ilə məğlub edərək, 16 aylıq qələbəsiz seriyasını qırıb. Üç gün sonra Şimali Makedoniya komandası ilə görüş qolsuz bərabərliklə yekunlaşıb.

Xatırladaq ki, yığmamız iyunun 8-də Sumqayıtda Monteneqro millisi ilə qarşılaşacaq.

4 iyun

Yoldaşlıq oyunu

20:00 Belarus - Azərbaycan (U-21)

Baranoviçi Şəhər Stadionu (Belarus).

 

++++++++++++++++++++   D İ Q Q Ə T :    ++++++++++++++++++++++

Tədbirlərinizin  ViDEO+FOTO ÇƏKİLİŞLƏRİNƏ  sifarişlər qəbul olunur:

əlaqə: WhatsApp- 010 528 3406, 050 331 1111