YADA DÜŞƏR XATİRƏLƏR

(AZpressAZ-in arxivindən: 2023-cü il)

Seymur Şahbazzadə: 

Mən millətçiliyi rədd edirəm

Mən millətçiliyi rədd edirəm.

Millətçiliyi ha! - Milliliyi və milli özünüdərki yox!

Əqli-səlim və qəlbi-səlim kimsə milliliyə, milli özünüdərkə əks gedərmi?

Amma milli özünüdərk tarixi saxtalaşdırmaq, əsatiri elmi faktdan öndə tutmaq, digər millətlərə xor baxmaq, yəni "erməni xəstəliyi" üzərində pərvəriş tapırsa, o, artıq millətçilikdir.

Bunda filoloq siyasətşünas və siyasətçilərin rolu böyük olur, adətən.

Dil-ədəbiyyat mövzusu gerçək elmi araşdırmaları - arxeoloji, antropoloji, genetik tədqiqatları, yerli və xarici mənbələri geridə qoyur.

Sağlam məntiqi danır!

Həm də, milli müştəbehlik, yekəbaşlıq edib milli fəxriyyə oxuyan adamın şəxsən özünün elə ayıblarını üzünə oxuyarlar ki, özünü aid elədiyi millət fikrə gedər: əcəba, bunun türk, talış, moltanı olmasının türkə, talışa, moltanıya yararı var, zərəri?

Hərçənd həmin adam ibrətdir, dərsdir: heç bir xalq ancaq yaxşı və ya ancaq pis adamlardan ibarət olmur.

Yəni tonuvu sal aşağı, alə ))