III MDB Oyunlarının iştirakçılarını nə gözləyir?

III MDB Oyunlarında 23 idman növü üzrə 246 dəst medal qazanılacaq.

Bu barədə Bakı Şəhər Halqası Əməliyyat Şirkətindən məlumat verilib.

Ən çox medal dəstləri üzgüçülük idman növü üzrə təltif olunacaq - 40. Qaliblər və ən dəyərli oyunçular (MVP) komanda idman növləri - futbol, ​​voleybol, 3x3 basketbol və çovqan növləri üzrə də müəyyənləşəcək.

Xatırladaq ki, III MDB Oyunları 2025-ci il sentyabrın 28-dən oktyabrın 8-dək Azərbaycanın yeddi şəhərində - Gəncə, Yevlax, Mingəçevir, Qəbələ, Şəki, Göygöl və Xankəndidə 12 idman obyektində keçiriləcək.