Donald Tramp 2025-ci il dünya çempionatının finalında iştirak edəcək

FİFA prezidenti Canni İnfantino ABŞ prezidenti Donald Trampın 2025-ci il klublararası dünya çempionatının "Çelsi" və "Paris Sen-Jermen" arasında keçiriləcək final oyununda iştirak edəcəyini bildirib.

"Prezident Tramp finalda olacaq. O, futbolu sevir. Onun ilk dövründə Ağ Evin bağçasında futbol qolları quraşdırılıb. Donald Tramp dünya çempionatına ev sahibliyi edən ölkələrdən biri olan ABŞ-ın prezidentidir və o, klublararası dünya çempionatı ideyasını dərhal dəstəkləyib. Bu kimi hadisələr böyük hadisələrdir. Onun dəstəyi olmadan belə turnirlərin keçirilməsi qeyri-mümkündür", - jurnalist Ben Ceykobs sosial şəbəkədə yazıb.

Qarşılaşma iyulun 13-də Nyu-Cersi ştatının East Rutherford şəhərində 82 566 tamaşaçı tutumuna malik MetLife Stadiumunda keçiriləcək. Oyunu polşalı Şimon Marçiniakın rəhbərlik etdiyi hakimlər briqadası idarə edəcək. Hakimin start fiti Bakı vaxtı ilə saat 23:00-da səslənəcək.