Qadın basketbol millimiz DQS-da fərqlənib

Rumıniyanın paytaxtı Buxarest şəhərində qadınlar arasında 3x3 basketbolu üzrə keçirilən və Azərbaycan yığmasının da qatıldığı Dünya Qadın Seriyasının daha bir mərhələ yarışı keçirilib. Yarış Azərbaycan millisi üçün uğurlu olub. Belə ki, heyəti Arika Kartier, Aleksandra Mollenxauer, Brianna Freyzer və Dina Ulyanova dördlüyündən ibarət olan Azərbaycan millisi bütün görüşlərini qələbə ilə başa vuraraq, mərhələnin qalibi adını qazanıb. Millimiz həlledici finalda ABŞ-nin "Seattle" klubunu üstələyib - 21:18. 

Bu mərhələ yarışının ən yaxşı oyunçusu adına millimizin üzvü Brianna Freyzer layiq görülüb. 

İNTİQAM Məmmədov