Azərbaycanlı idmançı Şimali Makedoniyada milli rekorda imza atıb
Azərbaycanın yüngül atleti Əmir İsmayılov Skopyedə (Şimali Makedoniya) keçirilən 18-ci Avropa Gənclər Olimpiya Yay Festivalında milli rekorda imza atıb.
Gənc idmançı 110 metr məsafəyə maneələrlə qaçışda 14,44 saniyə nəticə göstərib. Bu, 18 yaşa qədər kateqoriyada yeni milli rekorddur.
A.İsmayılov uzunluğa tullanmada da mübarizə aparacaq.
Yüngül atletika yarışları Skopyedəki Tose Proeski Milli Arenasında keçirilir.
