Husilər İsrail hava limanına ballistik raket zərbəsi endiriblər

Yəmənin üsyançı "Ənsar Allah" hərəkatından olan husilərin yaratdığı silahlı qüvvələr hipersəs ballistik raketdən istifadə edərək Təl-Əvivdəki Ben Qurion hava limanına hücum ediblər.

Bu iddia ilə üsyançıların sözçüsü Yəhya Saria çıxış edib.

Hərəkata məxsus "Al Masirah" telekanalı tərəfindən yayımlanan bəyanatda "Fələstin-2" tipli ballistik raketdən istifadə edildiyi bildirilib.

Mətbuat katibinin sözlərinə görə, əməliyyat öz məqsədinə nail olub.