Məndən düşüb sınmısan,

Parçan yamağa gəlməz.

Üzün sığala yatmaz,

Telin darağa gəlməz.

 

Qaldım amanda, ahda,

Yağ olmadın çıraqda.

Sevən kəs dar ayaqda

Necə qabağa gəlməz?

 

Dönük çıxdın azından,

Etdin dünyanı zindan.

Daha adam da bundan

Betər qınağa gəlməz.

 

Nə payızdı, nə qışdı,

Qəm şıdırğı yağışdı.

İndən belə ha qışqır -

Səsin qulağa gəlmız.

 

Can qoymadın bu canda,

İndi alış da, yan da.

Adam tökdüyü qanda

Günah yumağa gəlməz.

 

++++++++++++++++++++   D İ Q Q Ə T :    ++++++++++++++++++++++

Tədbirlərinizin  ViDEO+FOTO ÇƏKİLİŞLƏRİNƏ  sifarişlər qəbul olunur:

əlaqə: WhatsApp- 010 528 3406, 050 331 1111