Bir gün yenə də yad eləsəydim, nə deyərdin,

Qəmxanədən azad eləsəydim, nə deyərdin.

 

Bilməm nə dedim, mən dili yanmış, yenə küsdün,

O könlü yenə şad eləsəydim, nə deyərdim.

 

Ey gül, küçədə qarət olur səbrü-qərarım,

Bülbül kimi imdad eləsəydim, nə deyərdin.

 

Sərxoşdum o gün, gülləri yox, qönçəni üzdüm,

Eşqin bağın abad eləsəydim, nə deyərdin.

 

Zülmət gecədə pəncərənə atmayacam daş,

Bir başqa yol icad eləsəydim, nə deyərdin.

 

-Get, evdəkilər duymasın,- işarə edirsən,

Mən səbr ilə inad eləsəydim, nə deyərdin.

 

Bir tazə qəzəl yazdı Məhəmməd,sənə qurban,

Bir başqasına ad eləsəydim, nə deyərdin.

Məmməd Əvəzoğlu.24.01.2025.

 

++++++++++++++++++++   D İ Q Q Ə T :    ++++++++++++++++++++++

Tədbirlərinizin  ViDEO+FOTO ÇƏKİLİŞLƏRİNƏ  sifarişlər qəbul olunur:

əlaqə: WhatsApp- 010 528 3406, 050 331 1111