Yığmalarımız Yunanıstan yığmalarıyla sülh bağlayıb 

Gürcüstanın Batumi şəhərində kişi və qadınlar arasında şahmat üzrə keçirilən və Azərbaycan yığmalarının da iştirak etdiyi komanda Avropa çempionatı davam edir. Dünən çempionatda 5-ci turun oyunları keçirilib. Maraqlıdır ki, həm kişi, həm də qadın yığmamız hesabat turunda Yunanıstan komandaları ilə qarşılaşıb. Hər iki oyun sülh şəraitində başa çatıb - 2:2. 

Bununla da geridə qalan ilk beş turdan sonra hər iki komandamızın aktivində 6 xal var. Bu göstərici ilə kişi yığmamız yarış cədvəlində 5-7-ci yerləri bölüşür, qadınlarımız isə 8-ci yerdədi.

Bu gün çempionatda 6-ci turun oyunları keçiriləcək. Qeyd edək ki, püşkatma nəticəsində hər iki komandamız Ermənistan yığması ilə qarşılaşacaq.

İNTİQAM Məmmədov