Hovuz üçün çuxur qazdı, 700 000 avro dəyərində xəzinə tapdı
Lion yaxınlığında yerləşən Noyvil-sür-Son Fransa kommunasının sakini təxminən 700.000 avro dəyərində qızıl külçə və sikkələrdən ibarət xəzinə tapıb.
Bu barədə "France Info" radiosu məlumat verib.
Məlumata görə, qızılı gizlədən şəxsin kimliyi müəyyən edilməyib. Əmlakın əvvəlki sahibi vəfat edib və qiymətli əşyalar diqqətlə plastik qablaşdırılıb.


