Koronavirus pandemiyası 12,9 milyon insanın ölümünə səbəb olub

COVID-19 pandemiyası bütün dünyada gözlənilən ömür uzunluğunun azalmasına səbəb olub.

Bu barədə Ümumdünya Səhiyyə Təşkilatının (ÜST) hesabatında deyilir.

Sənəddə bildirilir ki, pandemiyanın iki ili ərzində 12,9 milyon insan ölüb - 2020-ci ildə 4,1 milyon, 2021-ci ildə isə 8,8 milyon. Bildirilir ki, nəticədə koronavirus dünya miqyasında üç aparıcı ölüm səbəbindən birinə çevrilib. Ümumdünya Səhiyyə Təşkilatı, COVID-19 səbəbiylə gözlənilən ömür uzunluğunun onillik artımının geri çevrildiyini bildirdi.

“2020-ci ildə qlobal ömür uzunluğu və orta yaş 2016-cı il səviyyəsinə, 2021-ci ildə isə 2012-ci il səviyyəsinə qayıdıb” deyən təşkilat, bunların müvafiq olaraq 71,4 və 61,9 yaş olduğunu bildirib.