Hansı rəngli tərəvəzlər daha faydalıdır?

Yaşıl tərəvəzlər qaraciyərin fəaliyyətinə müsbət təsir göstərən və orqanizmdə turşu-qələvi balansını tənzimləməyə kömək edən xlorofil sayəsində öz rəngini alır.

Xiyar. Lif, kalium, maqnezium, fosfor, yod, eləcə də B qrupu vitaminləri, C vitamini ilə zəngindir, qocalmanı ləngidir, maddələr mübadiləsini normallaşdırır, həzmi yaxşılaşdırır, qalxanabənzər vəzi xəstəliklərinin qarşısının alınmasına kömək edir.

Yaşıl lobya haqqında danışırıqsa, onlar infarkt riskini azaldır, bronxit və revmatizmə kömək edir və qan şəkərinin səviyyəsini azaldır. Tərəvəz A, E, C vitaminləri, sink, fol turşusu, lif, maqnezium və kaliumla zəngindir.

Kərəviz: A, B, C, E, K vitaminləri, kalium, maqnezium, sink, natrium və dəmirin anbarıdır. Təzyiqi azaldır, təbii antiseptik və sidikqovucudur, arıqlamağa və bədəni təmizləməyə kömək edir.

Yaşıl bibər yuxusuzluqla mübarizə aparmağa kömək edir, dərinin, saçın və dırnaqların vəziyyətini yaxşılaşdırır, xərçəng riskini azaldır.  A, B, C, E, PP vitaminləri, karotin, kalsium, fosforla zəngindir.