İran "iPhone"ni qadağan etdi

İran gömrüyü ölkəyə istənilən nəsil "iPhone" smartfonlarının idxalını qadağan edib.

Bu barədə “Tasnim” məlumat yayıb.

Bildirilib ki, hətta əvvəllər idxalına icazə verilən 13-cü nəsil və daha köhnə modellər də indi qadağaya məruz qalır.

Qeyd edək ki, 2017-ci ildə Amerikanın "Apple" korporasiyası ABŞ-ın İrana qarşı tətbiq etdiyi sanksiyalara görə iranlı tərtibatçıların bütün mobil proqramlarını onlayn “App Store”dan silib.