Uşaq doğulduqdan sonra kişinin beyni necə dəyişir?

Körpəyə qulluq etmək atalarda beyin həcminin azalmasına gətirib çıxarır, amma narahat olacaq bir şey yoxdur, alimlər deyirlər. Doğuşun qadınlara oxşar təsiri əvvəllər məlum idi. Qeyd edək ki, hər iki halda orqan ölçüsündə dəyişiklik beyin funksiyasının itirilməsi və ya idrak qabiliyyətlərinin azalması ilə əlaqəli deyil. Beyin valideynliyə uyğunlaşmaq və daha təsirli olmaq üçün dəyişir.

Cənubi Kaliforniya Universitetinin alimləri övladlarının qayğısına qalmaq üçün daha çox vaxt sərf edən ataların beyinlərində daha böyük dəyişikliklərin olduğunu aşkar ediblər. Beyin həcminin azalması yeni ataların üzləşdiyi yeganə fizioloji dəyişiklik deyil. Körpəyə müntəzəm qulluq da kişilərin qanında testosteronun səviyyəsini azaltmağa kömək edir, lakin sevgi və məhəbbət hormonu adlanan oksitosinin səviyyəsini artırır.