"Avroviziya-2026" tamaşaçılar üçün qaydaları dəyişdirəcək

Vyanada keçiriləcək "Avroviziya-2026"  Mahnı Müsabiqəsi yenilənmiş qaydalar çərçivəsində keçiriləcək.

Məlumata görə, tamaşaçılara iştirakçıların çıxışları zamanı bütün rəsmi olaraq tanınan bayraqları nümayiş etdirməyə icazə veriləcək. Əvvəlki məhdudiyyətlər müsabiqənin yeni konsepsiyasının bir hissəsi olaraq yenidən nəzərdən keçirilib.

2026-cı il "Avroviziya" Mahnı Müsabiqəsinin icraçı prodüseri Maykl Kron bildirib ki, təşkilatçılar tamaşaçıların reaksiyalarını gizlətmək və ya bəzəmək niyyətində deyillər. O, müsabiqənin əsas məqsədinin tədbiri mümkün qədər obyektiv və təbii şəkildə təqdim etmək olduğunu vurğulayıb.

Bundan əlavə, yayımlar zamanı fit səsləri və tamaşaçıların digər reaksiya formaları boğulmayacaq.

"Avroviziya" Mahnı Müsabiqəsi gələn il 12-16 may tarixlərində Avstriyanın Vyana şəhərində keçiriləcək.