UEFA "Barselona"nı Çempionlar Liqasından kənarlaşdırır?

UEFA texniki hakim komitəsinin keçmiş vitse-prezidenti Xose Mariya Neqreyraya ödənişlərlə bağlı mümkün pozuntulara görə "Barselona"nı Çempionlar Liqasından kənarlaşdıra bilərdi.

Kataloniya klubu Avropa yarışlarından kənarlaşdırılmaqla yanaşı, maliyyə fırıldaqçılığına görə də 60 milyon avro cərimə ilə üzləşib. Bundan əlavə, iddialara görə, UEFA komandanın "Kamp Nou" stadionuna qayıtmasının qarşısını ala bilərdi. Qeyd olunur ki, "Barselona" prezidenti Joan Laporta Super Liqa layihəsindən çəkilməyə və UEFA ilə münasibətləri bərpa etmək üçün Avropa Klublar Assosiasiyasına qayıtmağa məcbur olub.

Xatırladaq ki, 2023-cü ildə "Barselona" əvvəllər İspaniya Kral Futbol Federasiyasında vəzifə tutan Neqreyraya ödənişlərlə bağlı rüşvətxorluqda ittiham olunub. Müstəntiqlərin sözlərinə görə, klub 2001-2018-ci illər arasında təxminən 8,4 milyon avro məbləğində ödəniş edib.

"Barselona" iddia edib ki, Neqreyra hakimliklə bağlı texniki hesabatlar hazırlamaq üçün xarici məsləhətçi kimi işə götürülüb. Keçmiş CTA vitse-prezidenti özü hakimlərə təsir göstərmək üçün ödənişlər aldığını inkar edir.