Luvr soyğununun yeni təfərrüatları açıqlandı

Luvr muzeyindən soyğunçuluq nəticəsində 8000-dən çox brilyant və 200 mirvari oğurlanıb.

Bu barədə BFMTV televiziya kanalı istintaq hesabatlarına istinadən məlumat verib.

"O vaxt soyğunçuların əlində oğurladıqları səkkiz zinət əşyası bəzəyən ümumilikdə 8482 brilyant, 35 zümrüd, 34 sapfir və 212 mirvari var idi", - deyə məlumatda bildirilir.

19 oktyabrda naməlum şəxslər işçi geyimində Luvr muzeyinə forkliftlə daxil olub və bir neçə dəqiqə ərzində Napoleonun kolleksiyasından 88 milyon avro dəyərində zinət əşyalarını, o cümlədən boyunbağı, broş və tac oğurlayıblar. Onlar qaçış zamanı 1354 brilyantla bəzədilmiş İmperatriça Yevgeniyanın tacını yerə atıblar. Onlar oğurlanmış Luvr zinət əşyalarının bir hissəsini qaranlıq internetdə satmağa cəhd ediblər.