Amsterdamdakı tarixi Vondelkerk kilsəsi yanır

Yeni il gecəsi Amsterdamın tarixi mərkəzinin yaxınlığında, təxminən 150 illik tarixi olan bir kilsə yanır.

Yanğın gecə yarısından qısa müddət sonra başlayıb.

"Bu, monumental kilsədə şiddətli və dəhşətli yanğındır. Bizim ilk prioritetimiz yaxınlıqdakı sakinlərin rifahını və təhlükəsizliyini təmin etməkdir", - deyə Amsterdam meri Femke Halsema bildirib.

Vondelkerk kilsəsinin qülləsi yanğın nəticəsində artıq uçub. Yaxınlıqdakı evlərin sakinləri təxliyə edilib. Təcili yardım xidmətlərinin sözçüsünün sözlərinə görə, közlər şəhər mərkəzinə doğru yayılır.