Oxatanların ölkə çempionatı başa çatıb

Azərbaycan Kamandan Oxatma Federasiyası ilə Gənclər və İdman Nazirliyinin birgə təşkilatçılığı ilə Tibb Universitetinin "Tibb" İdman Mərkəzində böyüklər (kişi və qadınlar), gənclər (U-21) və yeniyetmələr (U-15) arasında kamandan oxatma üzrə keçirilən ölkə çempionatı iki kateqoriyada (böyüklər və gənclər) artiq başa çatıb. Turnirdə 70-dək idmançı 18 metr məsafədə qoyulan hədəfi nişan almaqda öz bacarığını nümayiş etdirib.

Böyüklər arasında qalib və mükafatçılar bunlardır:

Kişilər: Məhəmmədəlı Əliyev (qızıl medal), Nurlan Rəhimli (gümüş), Hüseyn Məhərrəmov (bürünc);

Qadınlar: Yaylagul Ramazanova (qızıl), Fatimə Hüseynli (gümüş), Dilguşə Sadıqova (bürünc).

 

Gənclərin yarısında (U-21) isə aşağıdakılar ilk üç yeri tutub:

Oğlanlar: Sərdar Vəliyev (qızıl), Nurlan Rəhimli (gümüş), Hüseyn Məhərrəmov (bürünc).

Qızlar: Fatimə Hüseynli (qızıl), Aliyə Əliyeva (gümüş), Lalə Almas (bürünc).

Maraqlıdır ki, Nurlan Rəhimli və Hüseyn Məhərrəmov həm böyüklər, həm də gənclər arasında müvafiq olaraq gümüş və bürünc medal qazanıb.

Fatimə Hüseynli isə böyüklər arasında gümüş, gənclərdə isə qızıl medal qazanıb.

Yanvarın 17-də isə yeniyetmələr (U-15) arasında qalıb və mükafatçılar müəyyənləşəcək.

İNTİQAM Məmmədov