Bələdiyyə binasında ATIŞMA: bir nəfər ölüb, dörd nəfər yaralanıb

Çexiyanın Hribska şəhərində bələdiyyə binasında baş verən atışma nəticəsində bir qadın həlak olub, polis də daxil olmaqla ən azı dörd nəfər yaralanıb.

Polisin məlumatına görə, təhlükəsizlik qüvvələri binanı mühasirəyə alıb. Hücumçunun motivi müəyyən edilməyib və onun şəxsiyyəti açıqlanmayıb.

"Hazırda bir qadının ölümünü və atıcının şəxsiyyətini təsdiqləyə bilərik", - polis bildirib.

Yaralananların vəziyyəti müəyyən edilir.

Hadisə ilə bağlı araşdırma davam edir.