Azərbaycanda palçıq vulkanı püskürüb
30 yanvar yerli vaxtla saat 16:53-də Hacıqabul rayonunda palçıq vulkanı püskürüb.
Respublika Seysmoloji Xidmət Mərkəzinin məlumatına görə, püskürmə vulkanın yaxınlığında yerləşən seysmik stansiyalar tərəfindən qeydə alınıb.
Mərkəzin Zəlzələ Ocaq Dinamikası Departamentinin məlumatına görə, püskürmə 13 dəqiqə davam edib və tək fazalı şəkildə baş verib. Ocaq dərinliyi təxminən 3 km olub və yayılan enerji 3,38 x 10⁶ coul olaraq qiymətləndirilir.
