Azərbaycan nümayəndə heyəti "Sülh Körpüsü"ndə iştirak etmək üçün Ermənistana gəlib

13-14 fevral tarixlərində Ermənistanda "Sülh Körpüsü" təşəbbüsü çərçivəsində Ermənistan və Azərbaycan vətəndaş cəmiyyəti nümayəndələrini bir araya gətirən ikitərəfli dəyirmi masa müzakirəsi keçiriləcək.

Bu barədə Ermənistan Şurası məlumat verib.

Qeyd olunur ki, Azərbaycan nümayəndə heyəti bütün zəruri prosedurları yerinə yetirdikdən sonra quru sərhədinin delimitasiya olunmuş və demarkasiya olunmuş hissələri vasitəsilə Ermənistana gəlib.

"Sülh Körpüsü" təşəbbüsünün əsas iştirakçılarından əlavə, hər iki tərəfdən daha geniş nümayəndələr də bu dəyirmi masa müzakirəsində iştirak edəcəklər.

Məlumata görə, Azərbaycan nümayəndə heyətinə 19 nəfər daxil olub, o cümlədən: Fərhad Məmmədov, Rusif Hüseynov, Kəmalə Məmmədova, Ramil İsgəndərli, Fuad Abdullayev, Könül Bədəlova, Zaur Şiriyev, Murad Muradov, Aytən Qəhrəman, Rauf Ağamirzəyev, Gülbəniz Qənbərova, Nəzrin Əliyeva, Eldar Həmzəli, Sənan Rzayev, Gülşən Axundova, Emin Əliyev, Orxan Babayev, İlyas Hüseynov və Fuad Ağamalıyev.

Ermənistan tərəfini 20 qeyri-hökumət təşkilatının nümayəndəsi təmsil edəcək.