Qadın raketka ustalarımız Avrasiya Liqasında yarışacaqlar 

Azərbaycanın qadınlardan ibarət stolüstü tennis üzrə komandası 4 nəfərlik heyətlə baş məşqçi Fərhad İsmayılovun rəhbərliyi altında Almatıya (Qazaxıstan) yollanıb. Səfərdə məqsəd martın 12-də həmin məkanda startı veriləcək Avrasiya Liqasında iştirak etməkdir. Turnirdən sonra isə komandamız Çinin Zenq Dinq şəhərinə üz tutacaq və 15-28 mart günlərində orada təlim-məşq toplanışında (TMT) olacaq. Həmin toplantı qarşıdakı yarışlara hazırlıq xarakteri daşıyacaq. 

Yeri gəlmişkən, dörd nəfərlik heyətə Mərziyyə Nurmətova, Aylin Əsgərova, Zemfira Mikayılova və Ləman Abdulhəmidova cəlb edilib.

İNTİQAM Məmmədov