Hidayət Heydərov Avropa Cüdo Çempionatında gümüş medal qazandı

Azərbaycanlı cüdoçu Hidayət Heydərov hazırda Tbilisidə keçirilən Avropa Cüdo Çempionatında gümüş medal qazanıb.

73 kiloqram çəki dərəcəsində yarışan idmançı finalda gürcü cüdoçusu Laşa Şavdatuaşvili ilə qarşılaşıb. O, həlledici görüşdə məğlub olaraq ikinci yeri tutub.

19 aprelə qədər davam edəcək nüfuzlu turnirdə Azərbaycanı 15 cüdoçu - doqquz kişi və altı qadın təmsil edir. Bundan əvvəl Əhməd Yusifov (60 kiloqram) və Turan Bayramov (66 kiloqram) bürünc medal qazanıblar.