Güləş üzrə Avropa çempionatında azərbaycanlı hakimlər idarə edəcək

Aprelin 20-dən 26-dək Albaniyada keçiriləcək Avropa Güləş Çempionatında Azərbaycanı təkcə idmançılar deyil, həm də hakimlər təmsil edəcək.

Azərbaycan Güləş Federasiyasından verilən məlumata görə, beynəlxalq I-S kateqoriyalı hakimlər Asif Şirəliyev, Sədi Quliyev və Bəşir İsazadə qitə çempionatına təyin ediliblər.

Federasiya vurğulayıb ki, bu təyinatlar böyük beynəlxalq yarışlarda Azərbaycan hakimlərinə olan yüksək etimadın daha bir təsdiqidir.