Bəhram Şəms:
Müzəffər əsgər marşı

Haydı, irəli, əsgər,
Yolumuz Vətən yolu,
Qarabağ səslər bizi,
Qəlbimiz odla dolu.

.
Addım-addım - irəli!
Zəfər bizim - irəli!

.
Səngərlər keçəcəyik,
Dağları aşacağıq,
Gözlə məni, ey Vətən,
Gözlə, qovuşacağıq.

.
Addım-addım - irəli!
Zəfər bizim - irəli!

.
Biz müzəffər orduyuq,
Sarsılmaz iradəyik,
Birləşib xalqla ordu,
Döyüşdə bir yerdəyik.

Addım-addım - irəli!
Zəfər bizim - irəli!

Bayrağımız ucalır,
Göylərə sancılır bax,
Vətəndən pay verilmir,
Müqəddəsdir bu torpaq.

Addım-addım - irəli!
Zəfər bizim - irəli!

Haydı, irəli, əsgər,
Dayanmaq olmaz artıq,
Yüksəldik addım-addım,
Qarabağı qurtardıq...

Addım-addım - irəli!
Zəfər bizim - irəli!

                        2022.