Cüdoçumuz Polad Həsənli Rusiyada qızıl medal qazanıb

Rusiyanın Xabarovsk şəhərində yeniyetmə cüdoçular arasında Vasili Osenkovun xatirəsinə həsr olunan beynəlxalq turnir keçirilib. ACF-dən verilən məlumata görə, ölkəmiz bu turnirə 5 cüdoçu ilə qatılıb. Cüdoçularımızdan ikisi daha inamla güləşərək mükafatçılar sırasında yer alıb. Qazanılan medallardan biri qızıl, digəri isə bürünc əyarlı olub. Qızıl medalı bütün görüşlərini qələbə ilə başa vuran Polad Həsənli (81 kq) qazanıb. Bürünc medalın sahibi isə üçüncü yeri tutan Zaməddin Baqirov (66 kq) olub. 

Turnirdə 13 ölkəni təmsil edən 300-dək cüdoçu iştirak edib.

İNTİQAM Məmmədov