Zemfira Məhərrəmli:

Lütviyyə Əsgərzadənin “Cəlal Bərgüşad” monoqrafiyası təqdim olundu

Sumqayıtdakı Poeziya Evində  yaddaqalan bir görüşün  iştirakçısı olduq.Tanınmış ədəbiyyatşünas alim,filologiya elmləri doktoru, şair-tərcüməçi,publisist Lütviyyə Əsgərzadənin “Cəlal Bərgüşad” adlı monoqrafiyası oxuculara, söz adamlarına təqdim olundu.
Təqdimat mərasiminə Azərbaycan Milli Elmlər Akademiyası N.Gəncəvi adına Ədəbiyyat İnstitutunun əməkdaşları, müəllifin qələm dostları və sumqayıtlı kitabsevərlər qatılmışdı.
Çıxış edənlər tarixi romanlar müəllifi Cəlal Bərgüşadın ədəbi irsi  və monoqrafiyanın məziyyətləri barədə ətraflı danışmışlar.Yazıçının həyat yoldaşı Sayad xanım əməyi keçən  hər kəsə-Lütviyyə Əsgərzadəyə,həmçinin Poeziya Evinin    direktoru, AYB -nin Poeziya bölməsinin rəhbəri, şair, tərcüməçi İbrahim İlyaslıya dərin təşəkkürünü bildirmişdir.
Tanınmış telejurnalist,şair-publisist Bəhruz  Niftəliyevin məharətli aparıcılığı  tədbiri daha   da rövnəqləndirdi.