U-16 voleybol millimiz AÇ-da mübarizəyə başlayır 

Bu gün 16 yaşlı (U-16) oğlanlar arasında voleybol üzrə Avro-2025-in ikinci təsnifat mərhələsinin qrup oyunlarına start veriləcək. Turnirin B qrupunda yer alan Azərbaycan millisi finala vəsiqə uğrunda İspaniya, Estoniya və Avstriya yığması ilə qarşılaşacaq.

Qrup oyunları İspaniyada təşkil ediləcək.

Yığmamızın iştirakı ilə keçiriləcək oyunların təqvimi belədir:

25 aprel. Saat 17:00. Azərbaycan - Estoniya;

26 aprel. Saat 19:30. Azərbaycan - İspaniya;

27 aprel. Saat 17:00. Azərbaycan - Avstriya.

Bu mərhələdə 20 komanda 5 qrupda mübarizə aparacaq.

Reqlamentə görə qruplarda ilk iki yeri tutan və iki ən yaxşı göstəriciyə malik olan üçüncü yerin sahibi Avro-2025-in finalına vəsiqə qazanacaq.

İNTİQAM Məmmədov