Gənc cüdoçularımız İstanbulda 7 medalla dördüncü olublar

3-4 may günlərində İstanbulda (Türkiyə) gənc cüdoçular arasında Avropa Kuboku keçirilib. İki gün davam edən turnirdə Azərbaycan idmançıları da iştirak ediblər. ACF-dən verilən məlumata görə, turnirə 38 cüdoçu ilə qatılan yiqmamiz ikisi qızıl, beşi bürünc əyarlı olmaqla yeddi medal qazanıb. Yığmamızın aktivinə yazılan qızıllar Nizamı İmanovla (66 kq) Aslan Kotsayevin (90 kq) payına düşüb. 

Azərbaycan bu göstərici ilə Braziliya (2-3-5), Özbəkistan (2-1-1) və Yaponiyadan (2-1-1) sonra dördüncü yeri tutub.

İNTİQAM Məmmədov