Azərbaycanın gənc xokkeyçiləri ilk dəfə beynəlxalq turnirdə iştirak edəcəklər

Mayın 9-dan 11-dək Dubayda (Birləşmiş Ərəb Əmirlikləri) keçiriləcək “Galaxy Cup” beynəlxalq xokkey turnirində Azərbaycan ilk dəfə təmsil olunacaq.

Yarışda ölkəmizi “Ocaq Sport” klubunun 10 istedadlı xokkeyçisi (2013-2015-ci il təvəllüdlü) təmsil edəcək.

Azərbaycan komandası ilk dəfə olaraq uşaq yaş qrupları arasında beynəlxalq turnirdə iştirak edəcək.

Bu tədbir ölkəmizdə idmanın bu növünün inkişafında mühüm addım hesab olunur.